ਸ਼ੋਸ਼ਲ ਮੀਡੀਆ 'ਚ ਅਕਾਲੀ ਬਿਕਰਮ ਸਿੰਘ ਮਜੀਠਿਆਂ ਦੇ ਸਮਰਥਨ 'ਚ ਨਿੱਤਰੇ
“ ਮੈਂ ਬਿਕਰਮ ਸਿੰਘ ਮਜੀਠਿਆ ਦੇ ਨਾਲ ਹਾਂ “ਫੇਸਬੁੱਕ 'ਤੇ ਪੋਸਟ ਅਪਲੋਡ
ਚੰਡੀਗੜ 29 ਜੁਲਾਈ ( ਜੈ ਸਿੰਘ ਛਿੱਬਰ) : “ ਮੈਂ ਬਿਕਰਮ ਸਿੰਘ ਮਜੀਠਿਆ ਦੇ ਨਾਲ ਹਾਂ “ ਮਾਝੇ ਦਾ ਜਰਨੈਲ ਬਿਕਰਮ ਸਿੰਘ ਮਜੀਠਿਆ -ਉਕਤ ਸਿਰਲੇਖ ਤਹਿਤ ਪੋਸਟਾਂ ਸ਼ੋਸ਼ਲ ਮੀਡੀਆਂ 'ਤੇ ਅਕਾਲੀ ਆਗੂਆਂ, ਵਰਕਰਾਂ ਵਲੋਂ ਧੜਾਧੜ ਪੋਸਟ ਕੀਤੀਆਂ ਜਾ ਰਹੀਆਂ ਹਨ। ਕੁੱਝ ਦਿਨ ਪਹਿਲਾਂ ਆਮ ਆਦਮੀ ਪਾਰਟੀ ਦੇ ਵਲੰਟਰੀਅਰਜ਼ ਵਲੋਂ “ ਮੈਂ ਅਰਵਿੰਦ ਕੇਜਰੀਵਾਲ ਦੇ ਨਾਲ ਹਾਂ -ਇਕ ਵਾਰ ਨਹੀਂ ਹਜ਼ਾਰ ਵਾਰ ਕਹਾਂਗਾ ਕਿ ਮਜੀਠਿਆ ਨਸ਼ੇ ਦਾ ਤਸਕਰ ਹੈ” “ । ਸ਼ੋਸ਼ਲ ਮੀਡੀਆਂ 'ਤੇ ਹੀ ਨਹੀਂ ਬਲਕਿ ਸ਼ਹਿਰਾਂ, ਕਸਬਿਆਂ ਚ ਵੱਡੀ ਪੱਧਰ 'ਤੇ ਪੋਸਟਰ, ਬੈਨਰ ਲਗਾਏ ਗਏ ਸਨ।
ਆਪ ਦਾ ਜਵਾਬ ਦੇਣ ਲਈ ਅਕਾਲੀ ਵਰਕਰ ਵੀ ਸ਼ੋਸ਼ਲ ਮੀਡੀਆਂ 'ਚ ਬਿਕਰਮ ਸਿੰਘ ਮਜੀਠਿਆ ਦੇ ਹੱਕ ਵਿੱਚ ਨਿੱਤਰ ਆਏ ਹਨ। ਫੇਸਬੁੱਕ ਤੇ ਵਟਸਅਪ 'ਤੇ ਅਕਾਲੀ ਆਗੂਆਂ, ਵਰਕਰਾਂ ਵਲੋਂ ਮਜੀਠਿਆਂ ਦੇ ਸਮਰਥਨ ਵਿੱਚ ਪੋਸਟ ਕੀਤੇ ਜਾ ਰਹੇ ਉਕਤ ਸਿਰਨਾਵੇਂ ਨੂੰ ਲਾਈਕ ਕਰਨ ਦੇ ਨਾਲ, ਨਾਲ ਸ਼ੇਅਰ ਵੀ ਕੀਤਾ ਜਾ ਰਿਹਾ ਹੈ। ਅਕਾਲੀ ਵਰਕਰਾਂ ਵਲੋਂ ਮਜੀਠਿਆਂ ਦੇ ਸਮਰਥਨ 'ਚ ਅਪਲੋਡ ਕੀਤੀ ਪੋਸਟ (ਫੋਟੋ) 'ਚ ਲਿਖਿਆ ਹੈ ਕਿ ਜਿਸਨੇ ਵਾਹਿਗੁਰੂ ਉਪਰ ਡੋਰਾ ਰੱਖੀਆ ਹੋਵਣ ਸੱਚਾ ਪਾਤਸ਼ਾਹ ਕਦੇ ਉਸਦੀ ਪਿੱਠ ਨਹੀਂ ਲੱਗਣ ਦਿੰਦਾ ਅਤੇ ਜਦੋਂ ਲੱਲੀ ਛੱਲੀ ਹਰਾ ਨਾ ਸਕੀ ਤਾਂ ਗੰਦੀ ਖੇਡ ਤੇ ਆ ਗਏ। ਵਰਕਰਾਂ ਨੂੰ ਅਪੀਲ ਕੀਤੀ ਗਈ ਹੈ ਕਿ ਇਸ ਤਸਵੀਰ ਨੂੰ ਇੰਨਾ ਸ਼ੇਅਰ ਕਰੋ ਕਿ ਯੂ.ਪੀ.ਦੇ ਚੋਰਾਂ ਨੂੰ ਕੰਨ ਹੋ ਜਾਣ। ਆਪ ਨੇ ਵਲੰਟਰੀਅਰਜ ਨੂੰ ਵੀ ਕੇਜਰੀਵਾਲ ਦੇ ਹੱਕ ਵਿੱਚ ਪੋਸਟ ਕੀਤੀ ਫੋਟੋ ਨੂੰ ਵੱਧ ਤੋਂ ਵੱਧ ਸ਼ੇਅਰ ਕਰਨ ਲਈ ਕਿਹਾ ਸੀ। ਆਮ ਆਦਮੀ ਪਾਰਟੀ ਵਲੋਂ ਸ਼ੋਸ਼ਲ ਮੀਡੀਆਂ ਦਾ ਸੱਭ ਤੋ ਵੱਧ ਲਏ ਜਾ ਰਹੇ ਸਹਾਰੇ ਨੂੰ ਦੇਖਦੇ ਹੋਏ ਅਕਾਲੀ ਦਲ ਨੇ ਸ਼ੋਸ਼ਲ ਮੀਡੀਆਂ ਦੇ ਵੱਧ ਰਹੇ ਪ੍ਰਭਾਵ ਦੇ ਮੱਦੇਨਜ਼ਰ ਜਿੱਥੇ ਆਪਣੇ ਆਗੂਆਂ ਨੂੰ ਕੁੱਝ ਸਮੇਂ ਪਹਿਲਾਂ ਅਕਾਲੀ ਦਲ ਦੇ ਵੱਖ ਵੱਖ ਜਿਲਿਆਂ,ਕਸਬਿਆਂ, ਸਰਕਲਾਂ ਦੇ ਵਟਸਅਪ ਗਰੁੱਪ ਬਨਾਉਣ ਨੂੰ ਕਿਹਾ ਸੀ, ਉਥੇ ਵਰਕਰਾਂ, ਵਿਧਾਇਕਾਂ, ਆਗੂਆਂ ਨੂੰ ਫੇਸਬੁੱਕ ਅਕਾਉਂਟ ਖੋਲਣ ਨੂੰ ਕਿਹਾ ਸੀ।
ਸੂਤਰ ਦੱਸਦੇ ਹਨ ਕਿ ਅਕਾਲੀ ਦਲ ਨੇ ਸ਼ੋਸ਼ਲ ਮੀਡੀਆਂ 'ਤੇ ਸਰਗਰਮ ਹੋਣ ਤੇ ਵਿਰੋਧੀ ਪਾਰਟੀਆਂ ਵਲੋਂ ਕੀਤੇ ਜਾ ਰਹੇ ਗਲਤ ਤੇ ਝੂਠੇ ਪ੍ਰਚਾਰ ਦੇ ਖਿਲਾਫ ਪਾਰਟੀ ਵਲੋਂ ਭੇਜੇ ਗਏ ਸੰਦੇਸ਼, ਫੋਟੋਆਂ ਨੂੰ ਵੱਧ ਤੋਂ ਵੱਧ ਸ਼ੇਅਰ ਕਰਨ ਨੂੰ ਕਿਹਾ ਹੈ। ਉਧਰ ਇਹ ਵੀ ਪਤਾ ਲੱਗਿਆ ਹੈ ਕਿ ਆਪ ਵਲੋਂ ਬਿਕਰਮ ਸਿੰਘ ਮਜੀਠਿਆਂ ਦੇ ਖਿਲਾਫ ਲਗਾਏ ਗਏ ਬੈਨਰਾਂ, ਹੋਰਡਿੰਗਾਂ ਨੂੰ ਹਟਾਉਣ ਲਈ ਪੁਲਿਸ ਪ੍ਰਸ਼ਾਸ਼ਨ ਨੂੰ ਭਵਿੱਖ ਵਿੱਚ ਅਜਿਹੇ ਬੈਨਰ, ਹੋਰਡਿੰਗ ਲਗਾਉਣ ਤੋਂ ਰੋਕਣ ਦੇ ਜਬਾਨੀ ਆਦੇਸ਼ ਦਿੱਤੇ ਗਏ ਹਨ।
No comments:
Post a Comment